گوتى ، سه‌برت هه‌بێ دووباره دێمه ديتنت ئه‌مما

له كوورتى‌دا ته‌مه‌ن ، وادياره به‌و ديداره ڕاناگا

+ نووسیاو له کات ژمێر 1:36 به‌ده‌ستی Mohammad  | 



ئه‌گه‌ر شه‌و بێته سه‌ر جێگه‌م ، كه‌وا تاقه‌ی كراس غارا

به خال هندویش بخشم سمرقند و بخارا را

وتم پێی : كوێ به‌دڵ تۆیه؟ به عیشوه پێكه‌نی وفه‌رموی

كنار آب ركن آباد و گلگشت مصلی را

سه‌روو زوڵفو برۆ و چاو و خه ت و خاڵو له‌بی له‌علت

چنان بردند صبر از دل كه تركان خوان یغما را

نه ته‌نیا من له ڕه‌مزی تاقی مێحرابی برۆت ناگه‌م

كه كس نگشود و نگشاید به حكمت این معما را

سڵاوم كرد له یاری خۆم وتی :هه‌ی ناعه‌له‌یك ئه‌بله

جواب تلخ می زیبد لب لعل شكرخارا

كه حۆسنی یووسفم بینی سه‌عاته‌‌ن بۆم مۆحه‌‌قه‌ق بوو

كه عشق از پرده عصمت برون آرد زلیخا را

ڕه‌واجی ده فته‌رت قانێع ئه‌بێ مونكیر چلۆن بیكا

 كه بر نظم تو افشاند فلك عقد ثریا را

 

 

+ نووسیاو له کات ژمێر 12:45 به‌ده‌ستی Mohammad  | 

هه‌ر ڕۆژه ده‌ردێک ده‌بارێ بۆ کورد

شینگێڕی ده‌کا کورد ،درشت و ورد

له پڕ خه‌به‌رێک دڵمانی تاساند

عه‌بباس که‌مه‌ندیش ماڵئاوایی کرد 

                          
 

                                        "ک.د.ئازاد"

+ نووسیاو له کات ژمێر 0:41 به‌ده‌ستی Mohammad  | 

مەکە ئیخلافی ئەو وەعدەی کە فەرمــووت
 

دەخیلت بم کە خانەی سەبرەکەم سووت
 

لە ڕووت و قووتی وەک من ڕووت مەپۆشە
 

کە وەسڵی تۆیە قووتی عاشـــــــقی رووت
 

موژەت قوللابییە هەم تیر و هەم شیــــــر
 

برۆت میحرابییە هەم تاق و هەم جــــووت
 

لــــــــــە سندوقی پڕی سینەم بترســـــە
 

کــــــــە ئاگر بەر بداتە تەخت و تـــــــابووت
 

لــــــــەبەر خەندەی لەبی لەعلی ئەتۆ بوو
 

کـــەوا شەککەر دەباری ، گوڵ دەپشکووت
 

دەکەی نەخچیری سەد دڵ هەر بەتیــــرێ
 

ئیلاهی هەر بمێنێ دەست و بــــــازووت !
 

چ شــــیرینە خوتووتی دەوری لێـــــــــوت
 

بەڵێ مەعلوومە خۆشە خەتتی یاقـــووت
 

هە ((نالی))! بەڵکوو بیکێشی بە ناڵیــن
 

بــــناڵە ، دامەنیشە مات و مەبهــــــــووت

 

 

 

 

 

+ نووسیاو له کات ژمێر 13:22 به‌ده‌ستی Mohammad  | 

 

 

سەرم دەردی سەری تووش بوو کە دوێ ڕوانی بەدولبەردا
 

دڵـــــم سەهوێ گرانی کرد کە خۆی بەر شیپی خەنجەردا

 

بە عەقڵی خۆم قیاسی چاوی ئەو شۆخەم بە ئەختەر کرد
 

بە عیشوە چاوی بەرزۆ کرد ، هـــەزار جوێنی بە ئەختەردا

 

 مەلای بێ شۆڕ و زەوقیش بە عـەزمی پەندی بۆ من هات
 

کە یــــــاری دی، لە من بەد تر، دڵـی بەر نوکی نەشتەردا

 

وتم بولبول بە دینی خـۆت گـــــوڵـــت پێ جوانە یا کوڵمی
 

 

بە بانگی ئاشکرا بولبول دووسـەد تەعنەی لە شەسپەڕدا

 

سوئالم کرد کە بــۆچ چەرخـــی فەلەک وا شێت و شەیدایە
 

وتی : مـــن تیری برژانـــــگـم لە جەرگی بورجی ئەخزەردا

 

بە شمشێری برۆی جەرگـــی لەت و کوت کردم و فەرمووی
 

هەتا قەوسی برۆی من بــێ چ ئیشت هەس لە مینبەر دا

بە چاوی بێ غەرەز کاکە تەماشای شیعری ( قـــانــع ) کە
 

هەمـوو وەک لەعلە تێکەڵ بن لەگەڵ ملوێنێ گەوهەر دا

 

 

 

+ نووسیاو له کات ژمێر 1:11 به‌ده‌ستی Mohammad  | 

 

ئه‌پرسی بۆچی جامی دڵ به‌ نه‌شئه‌ی باده‌ مه‌ست نابێ

ئه‌ڵێ لــێوڕیژی باده‌ی عه‌شقی تۆم و هه‌ر به‌ تۆ مــه‌ستم

لــــه‌ وه‌سفی خۆشه‌ویســـتیتا زمـــانی لاڵه‌ هه‌ڵـــبه‌ستم

ئیــــتر تۆ پێ بــــزانی یـــــا نه‌زانی مـــــن چ ده‌ربــــــه‌ستم

ئه‌گــــه‌ر باوه‌ڕ به ‌من ناکــــه‌ی وه‌ره‌ ســــه‌یری ده‌رونم کــــه‌

له‌ دنــــیای خـــــۆشه‌ویســـــتیتا چ ده‌ریایێـــکی پڕ هه‌ستم

لــــه‌به‌ر ســـــۆزی دڵـــــــم دوور و نزیــــکی بۆ نییه‌ چـــــاوم

خـــوڕه‌ی دێ ئاوی سه‌رچـاوه‌ی ئه‌گه‌ر شادم ئه‌گه‌ر په‌ستم

جـــگه‌ لــــه‌و یاده‌ شــــیرینه‌ت ســـه‌راسه‌ر تـــاڵه‌ ژینی من

که‌چی ئه‌توێته‌وه‌ خه‌م چـــوون له‌گـــه‌ڵ ئه‌و یاده‌ په‌یوه‌ستم

به‌هــــیوای ئاوڕێـــکی تۆیه‌ خــــۆ هـــــه‌ڵــــبه‌سته‌کانی من

له‌ڕێی ته‌یری نیــــگایه‌کــــتا ئه‌بێ هــــــێلانه‌ هــــه‌ڵبه‌ستم

 

                                                                                                  " کاکه‌ی فه‌لاح "

 

 

 

+ نووسیاو له کات ژمێر 13:48 به‌ده‌ستی Mohammad  | 

 

هێنده‌ ته‌نهام،
 

به‌ ئه‌سپێك ده‌چم له‌ دارستان،
 

هیچ شێك،
 

هیچ هێزێك،
 

ئه‌م شورای ته‌نیاییه‌م ناشكێنێ
 

ترسیش وه‌كوو پیاوێكی سیس 

له‌ودیو ده‌رگاوه‌ ده‌مبینێ و 

شاڵاوم بۆ ده‌هێنێ،
 

عه‌شقیشم وه‌كوو قاڵیچه‌ كۆنه‌كان
 

كاڵ بۆته‌وه‌و
 

وه‌ك ده‌سته‌سڕێكی ته‌نك
 

ده‌سته‌ خوێناوییه‌كانمی پێ ده‌سڕم

 

 

                                                               "به‌ختیار عه‌لی"


+ نووسیاو له کات ژمێر 2:8 به‌ده‌ستی Mohammad  | 

ئه‌کێشێ

ئه‌کێشی

ئه‌کێشم

ئه‌و نازی تۆ

تۆ عه‌شقی ئه‌و

منیش

جگه‌ره‌که‌م کوانێ !!

+ نووسیاو له کات ژمێر 2:3 به‌ده‌ستی Mohammad  | 

ئێمه‌ ڕۆحمان به‌یه‌کتری سپاردووه
 

قه‌ت ناپرسم له‌ کوێ بوویت و
 

بۆ کوێ ده‌چیت
 

له‌ هه‌ر جێ بیت
 

ئاساییه
 

چه‌ند لێم دوور بیت
 

هه‌ر نزیکیت
 

دووری چییه‌؟

گه‌ر به‌ جه‌سته‌ لای من نه‌بیت
 

لای هه‌ر که‌س بیت
 

گرنگ نییه
 

هه‌ر تۆ شاد بیت به‌رگه‌ ده‌گرم

جه‌سته‌ چییه‌!
‌‌

ئێمه‌ رۆحمان تا هه‌تایه‌
 

ئاوێزانی یه‌کترییه 
 
                                      

                                            "د.ڕەفیق سابیر"

+ نووسیاو له کات ژمێر 13:44 به‌ده‌ستی Mohammad  | 

 
من ئەزانم
 
هەرچەن بڕۆین
 
بەیەک ناگەین
 
وەک دوو هێڵی شەمەندەفەر وەهاین هەردوو
 
بەیەک ناگەین
 
بەڵام گیانه
 
ئەگەر لایشدەین
 
واگۆنی دڵ وەرئەگەڕێ
 
ئەوسا ئەزانی
 
چەن نامه وشووشه عه تر وچەن ژوان
 
چەنده ماچی خۆشه ویستی هەردووکمانی
 
تێدا ئەمرێ
 
                                           " شێرکۆ بێکه‌س "
 
 
می دانم
 
هر قدر هم که برویم
 
باز به هم نخواهیم رسید
 
درست مانند ریل های قطار
 
اما
 
عزیز من
 
اگر هم کنار بکشیم
 
واگن دل زیرو رو خواهد شد
 
آن وقت
 
می دانی
 
تمام نامه ها
 
شیشه های عطر
 
قرارها و دیدارها
 
و تمام بوسه های دلدادگی مان
 
در آن
 
خواهند مرد
 
                                                  " شێرکۆ بێکه‌س "
 
 
                                                  " ترجمه: عبید فتحی "

 

+ نووسیاو له کات ژمێر 2:49 به‌ده‌ستی Mohammad  | 



کە کەو ئەمرێ
دوای خۆی بۆ شاخ
چەند قاسپەیەک بەجێ دێڵێ
کە هەنگ ئەمرێ
دوای خۆی بۆ باخ
هەندێ ماچی شیرین
بەجێ دێڵێ
کە وەختێکیش تاوس ئەمرێ
دوای خۆی هەندێ تیلی ڕەنگین
بۆ ناو گوڵدان
بەجێ دێڵێ
کە وەختێکیش ئاسک ئەمرێ
دوای خۆی مسک بەجێ دێڵێ
هەر کاتێکیش کە من مردم
دوای خۆم بۆ ئێوە و کوردستان
هەندێ شێعری
نازادار و جوان
بەجێ دێڵم


                                                                                       " مامۆستا شێرکۆ بێکه‌س "

+ نووسیاو له کات ژمێر 4:14 به‌ده‌ستی Mohammad  | 

له دووره‌وه ناوت بیستووم

ناشاره‌زا خٶشت ویستووم

گوایه له‌گه‌ل شیعره‌کانما زٶر ژیاوی

شه‌وه‌های شه‌‌و

ته‌زووی شیرینیان پئ داوی

نه‌تناسیوم !

بروا بکه نه‌تناسیوم...

 ئه‌و جیهانه‌ی تٶ ده‌ته‌وئ

 هه‌رگیز لای من ده‌ست ناکه‌وئ

 جیهانی من هه‌مووی خه‌مه

زه‌رده‌خه‌نه‌ی ئیجگار که‌مه

ته‌لاری من که‌لاوه‌یه

جیی په‌رتووک و هٶنراوه‌یه

ئه‌وه‌ی رووگه‌ی دل و چاوه

ته‌نیا بتیکی شکاوه

دوور به له من 

 له ژینی من

له چاوانی به‌دبینی من

دوور به له من ، له هه‌لبه‌ستم

له‌و چه‌پکانه‌ی

بٶ شاچه‌پکیک ده‌یانبه‌ستم

 

                                                " مامٶستا عه‌بدولا په‌شیو "

 

 

+ نووسیاو له کات ژمێر 23:44 به‌ده‌ستی Mohammad  | 

ئیستاش دلم هه‌ر له‌وییه‌

لای ئه‌و گه‌لا وه‌ریوانه‌ی

له‌گه‌ل ماچ و رامووسانا

هیمن ده‌ستمان بٶ ده‌بردن

لای ئه‌و گه‌لا وه‌ریوانه‌ی

نه‌رم نه‌رم

به‌دیارمانه‌وه‌ ده‌مردن

وردیله‌ كه‌م

ته‌مه‌ننام گه‌ر بٶ مه‌رگیش بئ

ئیواره‌یه‌ك بیمه‌وه‌لات

ببمه‌ قوربانی ماچیكت و

سینه‌م پركه‌م

له‌به‌رامه‌و عه‌تری گٶنات

 

                                                    " هیمن له‌تیف "

 

+ نووسیاو له کات ژمێر 22:4 به‌ده‌ستی Mohammad  | 

 

ره‌قیبی سه‌گ حه‌زی بوو ، کوشتمت ، سه‌یریکه چٶنی بٶم !

 

دٶعا بٶ ده‌ست و تیغت من ده‌که‌م ، بروانه چٶنم بٶت !

 

به غه‌دداریی نه‌وه‌ک ناوت به‌رن ، بمئه‌نجنی ، قه‌ت من

 

شکاتی جه‌وری تٶ به‌ر که‌س ده‌به‌م ؟ بروانه چٶنم بٶت !

 

 هه‌ناسه‌ی ئاگرینم برده‌وه‌به‌ر ، تا ده‌روونم سووت

 

 به ناله تا دلت سه‌خله‌ت نه‌ده‌م ، بروانه چٶنم بٶت !

 

 بیانوو بگره ، شیوه‌ی خٶت بشیوینه به من کوشتن 

 

وه‌ها چاوی به‌دت لئ لاده‌ده‌م ، بروانه چٶنم بٶت !

 

 

" حه‌زره‌تی مه‌حوی "

 

 

 

+ نووسیاو له کات ژمێر 17:31 به‌ده‌ستی Mohammad  | 

 

غه‌می خٶم نییه غه‌می تٶمه

هه‌موو عاله‌م بمکه‌ن لٶمه

وه‌فاداری پیشه‌ی خٶمه

 

هه‌تاکوو دوا هه‌ناسه‌ی ژین

وه‌کوو فه‌رهاد له ریی شیرین

هه‌ر ئاواتمه بٶ یه‌ک ببین

 

وه‌کوو مه‌جنوون شیتی له‌یلام

به‌سیه هه‌تاکه‌ی ته‌وه‌لام

هه‌ر ئاواتمه تۆ بیی بٶ لام

 

غه‌ریبم جیگه‌م لیوٶ که

میوانم ساتئ ریگه‌م که

 

 

+ نووسیاو له کات ژمێر 3:4 به‌ده‌ستی Mohammad  |