بارگه‌ت لێكنێ و


تووناوتوون و كۆبه‌كۆچی


ئه‌م هه‌واره‌ كه‌ی سوكنایی حه‌زی تۆیه‌


كه‌تۆ هه‌رده‌م ڕوو به‌كۆچی

 

ده‌ربه‌ست نایه‌یت نه‌ك دڵی من


دڵی ئه‌و خوایه‌ش بشكێنی


بۆ شین بوونی حه‌زێكی خۆت


نه‌ك چاوی من ،


ئاسمانی خواش بگرێنی

 

بارگه‌ت لێكنێ


تۆ ڕاهاتوی كه‌یف و سه‌فا و


من سوێ‌ برده‌ی عه‌شق و برین


تۆ بای هه‌وه‌س ئه‌تشه‌كێنێ و


من گیانه‌ڵای وه‌فای ئه‌وین

 

له‌كوێوه‌ بای خۆشبه‌ختی بێت


سه‌یرو سه‌مات ڕوو له‌وێیه‌


له‌كوێ‌ دڵێك به‌وێران چێ


بێ گومانم ،


شوێن پێ یه‌كی تۆ له‌وێیه‌

 

 

                                    " هێمن له‌تیف "



+ نووسیاو له کات ژمێر 11:24 به‌ده‌ستی Mohammad  | 



سه‌ر به‌رده‌بازی ڕێته‌ ، ته‌ن ته‌خته‌ بـــــــــه‌ندی جێته‌

دڵـــــــــــــــ مه‌یلی خاكی پێته‌ ، ڕۆح ماڵی خۆته‌ بیبه‌




                                                                                           " نالیـــــــــــــــــــــــــــــــــــ "
+ نووسیاو له کات ژمێر 17:59 به‌ده‌ستی Mohammad  | 


کاتێک کەرامەت لە دونیادا

ئەژنۆی شل بوو ،

هاتە کڕنۆش .

ژنانی رۆژئاواکەی من بوون،

بۆ کڕینەوەی حەیای ئینسان ،

کەوتنە خرۆش .

 

                                   "هیوا زەکەریایی"



+ نووسیاو له کات ژمێر 16:39 به‌ده‌ستی Mohammad  | 

 

جێم مه‌هێڵه‌ بۆ ناسۆری

ئازارو سوێی عه‌شقێكی تر

پاش تۆ به‌كام ئومێده‌وه‌

دڵ بده‌مه‌ دڵێكی تر

تۆ سه‌رگوڵی عیشقی دونیاو

سه‌وزترین ئه‌وینم بووی

به‌گیانت دڵ به‌كه‌س ناده‌م

مردنم خۆش كه‌تۆم نه‌بووی

 

                                        " هێمن له‌تیف "

 

+ نووسیاو له کات ژمێر 21:10 به‌ده‌ستی Mohammad  | 

 

ئاخر چۆن هه‌ستت پێ نه‌که‌م

 

که سێبه‌ری فڕینت

 

به‌ر هه‌ر کوێیه‌کی خه‌یاڵم بکه‌وێ

 

مانگ له‌ سه‌رما دائه‌گیرسێ و

 

ئه‌بمه کتێبی ئاو و

 

که‌ناره‌کانی چاوه‌ڕوانی ئه‌مخوێننه‌وه

 

چۆن هه‌ستت پێ نه‌که‌م ئه‌و ده‌مه‌ی ئه‌مه‌وێ

 

گوناهێ بشکێنم گوێ له بێده‌نگی ده‌گرم و

 

هه‌رچی ناوتاق و به‌رپه‌نجه‌ره‌ی سه‌بری خۆمه

 

پر ئه‌که‌م له ئینجانه شینه‌کانی غه‌ریبی تۆ

 

غه‌ریبی تۆ

 

غه‌ریبی تۆ

 

ئه‌ی مه‌راقه ته‌نیاکه‌ی من

 

هه‌تا چه‌ن مردنی تر

 

هه‌تا چه‌ن زه‌ریای تر

 

هه‌تا دارستانی چه‌ن ئینتیزاری تر

 

هه‌تا کاڵ بوونه‌وه‌ی چه‌ن عیشقی تر

 

هه‌تا چه‌ن تۆفانی تری ئیشتیاق

 

هه‌تا چه‌ن ڕووخانی تر

 

تۆ له‌م خاچی بێده‌نگیه ناییته‌ خوارێ و

 

به قه‌ڵمی نوور خاڵێک له سه‌ر ڕوومه‌تی ته‌نیاییم ناکێشی

 

ئه‌ی مه‌راقه ته‌نیاکه‌ی من ...

 

 

                                                                                                     " جه‌مال غه‌مبار "

 

 

+ نووسیاو له کات ژمێر 19:46 به‌ده‌ستی Mohammad  | 

 

گەر نەشتوانین دەرگاکان بکەینەوە

هەر نەبێ وەرن ڕەسمی دەرگاکان

بە کراوەیی بکێشین .

جارێكی تر په‌نجه‌ره‌كانی مناڵیی

بۆ گمه‌ی كۆتره‌كانی ژیان بكه‌ینه‌وه‌ !

- وه‌رن ئومێدی هه‌وره‌كان ته‌سلیمی باران

بكه‌ینه‌وه‌

- وه‌رن ببینه‌وه‌ خۆمان ،

ئه‌م جه‌نگه‌ڵه‌ بكه‌ینه‌وه‌ گوڵجاری

خۆشه‌ویستیی !

- وه‌رن ماڵی بێزاری چۆڵ بكه‌ین

وه‌رن هه‌تا مردن ئه‌گاته‌ ئێره‌

خۆمان پڕکه‌ین له جریوه !! 


                                                                          
                                                                    
" جه‌مال غه‌مبار "

 

 

+ نووسیاو له کات ژمێر 19:23 به‌ده‌ستی Mohammad  | 

 

هه‌موو شتێک هی یاری كردن نیــه‌ ...

ئه‌وه‌ دوا قسه‌ی ئه‌و په‌پوله‌یه‌ بوو

كه‌ باڵه‌كانی به‌ده‌ست مناڵێكه‌وه‌ جێمابوو...

 

 

+ نووسیاو له کات ژمێر 19:10 به‌ده‌ستی Mohammad  | 

 

گوتى ، سه‌برت هه‌بێ دووباره دێمه ديتنت ئه‌مما

له كوورتى‌دا ته‌مه‌ن ، وادياره به‌و ديداره ڕاناگا

+ نووسیاو له کات ژمێر 1:36 به‌ده‌ستی Mohammad  | 



ئه‌گه‌ر شه‌و بێته سه‌ر جێگه‌م ، كه‌وا تاقه‌ی كراس غارا

به خال هندویش بخشم سمرقند و بخارا را

وتم پێی : كوێ به‌دڵ تۆیه؟ به عیشوه پێكه‌نی وفه‌رموی

كنار آب ركن آباد و گلگشت مصلی را

سه‌روو زوڵفو برۆ و چاو و خه ت و خاڵو له‌بی له‌علت

چنان بردند صبر از دل كه تركان خوان یغما را

نه ته‌نیا من له ڕه‌مزی تاقی مێحرابی برۆت ناگه‌م

كه كس نگشود و نگشاید به حكمت این معما را

سڵاوم كرد له یاری خۆم وتی :هه‌ی ناعه‌له‌یك ئه‌بله

جواب تلخ می زیبد لب لعل شكرخارا

كه حۆسنی یووسفم بینی سه‌عاته‌‌ن بۆم مۆحه‌‌قه‌ق بوو

كه عشق از پرده عصمت برون آرد زلیخا را

ڕه‌واجی ده فته‌رت قانێع ئه‌بێ مونكیر چلۆن بیكا

 كه بر نظم تو افشاند فلك عقد ثریا را

 

 

+ نووسیاو له کات ژمێر 12:45 به‌ده‌ستی Mohammad  | 

هه‌ر ڕۆژه ده‌ردێک ده‌بارێ بۆ کورد

شینگێڕی ده‌کا کورد ،درشت و ورد

له پڕ خه‌به‌رێک دڵمانی تاساند

عه‌بباس که‌مه‌ندیش ماڵئاوایی کرد 

                          
 

                                        "ک.د.ئازاد"

+ نووسیاو له کات ژمێر 0:41 به‌ده‌ستی Mohammad  | 

مەکە ئیخلافی ئەو وەعدەی کە فەرمــووت
 

دەخیلت بم کە خانەی سەبرەکەم سووت
 

لە ڕووت و قووتی وەک من ڕووت مەپۆشە
 

کە وەسڵی تۆیە قووتی عاشـــــــقی رووت
 

موژەت قوللابییە هەم تیر و هەم شیــــــر
 

برۆت میحرابییە هەم تاق و هەم جــــووت
 

لــــــــــە سندوقی پڕی سینەم بترســـــە
 

کــــــــە ئاگر بەر بداتە تەخت و تـــــــابووت
 

لــــــــەبەر خەندەی لەبی لەعلی ئەتۆ بوو
 

کـــەوا شەککەر دەباری ، گوڵ دەپشکووت
 

دەکەی نەخچیری سەد دڵ هەر بەتیــــرێ
 

ئیلاهی هەر بمێنێ دەست و بــــــازووت !
 

چ شــــیرینە خوتووتی دەوری لێـــــــــوت
 

بەڵێ مەعلوومە خۆشە خەتتی یاقـــووت
 

هە ((نالی))! بەڵکوو بیکێشی بە ناڵیــن
 

بــــناڵە ، دامەنیشە مات و مەبهــــــــووت

 

 

 

 

 

+ نووسیاو له کات ژمێر 13:22 به‌ده‌ستی Mohammad  | 

 

 

سەرم دەردی سەری تووش بوو کە دوێ ڕوانی بەدولبەردا
 

دڵـــــم سەهوێ گرانی کرد کە خۆی بەر شیپی خەنجەردا

 

بە عەقڵی خۆم قیاسی چاوی ئەو شۆخەم بە ئەختەر کرد
 

بە عیشوە چاوی بەرزۆ کرد ، هـــەزار جوێنی بە ئەختەردا

 

 مەلای بێ شۆڕ و زەوقیش بە عـەزمی پەندی بۆ من هات
 

کە یــــــاری دی، لە من بەد تر، دڵـی بەر نوکی نەشتەردا

 

وتم بولبول بە دینی خـۆت گـــــوڵـــت پێ جوانە یا کوڵمی
 

 

بە بانگی ئاشکرا بولبول دووسـەد تەعنەی لە شەسپەڕدا

 

سوئالم کرد کە بــۆچ چەرخـــی فەلەک وا شێت و شەیدایە
 

وتی : مـــن تیری برژانـــــگـم لە جەرگی بورجی ئەخزەردا

 

بە شمشێری برۆی جەرگـــی لەت و کوت کردم و فەرمووی
 

هەتا قەوسی برۆی من بــێ چ ئیشت هەس لە مینبەر دا

بە چاوی بێ غەرەز کاکە تەماشای شیعری ( قـــانــع ) کە
 

هەمـوو وەک لەعلە تێکەڵ بن لەگەڵ ملوێنێ گەوهەر دا

 

 

 

+ نووسیاو له کات ژمێر 1:11 به‌ده‌ستی Mohammad  | 

 

ئه‌پرسی بۆچی جامی دڵ به‌ نه‌شئه‌ی باده‌ مه‌ست نابێ

ئه‌ڵێ لــێوڕیژی باده‌ی عه‌شقی تۆم و هه‌ر به‌ تۆ مــه‌ستم

لــــه‌ وه‌سفی خۆشه‌ویســـتیتا زمـــانی لاڵه‌ هه‌ڵـــبه‌ستم

ئیــــتر تۆ پێ بــــزانی یـــــا نه‌زانی مـــــن چ ده‌ربــــــه‌ستم

ئه‌گــــه‌ر باوه‌ڕ به ‌من ناکــــه‌ی وه‌ره‌ ســــه‌یری ده‌رونم کــــه‌

له‌ دنــــیای خـــــۆشه‌ویســـــتیتا چ ده‌ریایێـــکی پڕ هه‌ستم

لــــه‌به‌ر ســـــۆزی دڵـــــــم دوور و نزیــــکی بۆ نییه‌ چـــــاوم

خـــوڕه‌ی دێ ئاوی سه‌رچـاوه‌ی ئه‌گه‌ر شادم ئه‌گه‌ر په‌ستم

جـــگه‌ لــــه‌و یاده‌ شــــیرینه‌ت ســـه‌راسه‌ر تـــاڵه‌ ژینی من

که‌چی ئه‌توێته‌وه‌ خه‌م چـــوون له‌گـــه‌ڵ ئه‌و یاده‌ په‌یوه‌ستم

به‌هــــیوای ئاوڕێـــکی تۆیه‌ خــــۆ هـــــه‌ڵــــبه‌سته‌کانی من

له‌ڕێی ته‌یری نیــــگایه‌کــــتا ئه‌بێ هــــــێلانه‌ هــــه‌ڵبه‌ستم

 

                                                                                                  " کاکه‌ی فه‌لاح "

 

 

 

+ نووسیاو له کات ژمێر 13:48 به‌ده‌ستی Mohammad  | 

 

هێنده‌ ته‌نهام،
 

به‌ ئه‌سپێك ده‌چم له‌ دارستان،
 

هیچ شێك،
 

هیچ هێزێك،
 

ئه‌م شورای ته‌نیاییه‌م ناشكێنێ
 

ترسیش وه‌كوو پیاوێكی سیس 

له‌ودیو ده‌رگاوه‌ ده‌مبینێ و 

شاڵاوم بۆ ده‌هێنێ،
 

عه‌شقیشم وه‌كوو قاڵیچه‌ كۆنه‌كان
 

كاڵ بۆته‌وه‌و
 

وه‌ك ده‌سته‌سڕێكی ته‌نك
 

ده‌سته‌ خوێناوییه‌كانمی پێ ده‌سڕم

 

 

                                                               "به‌ختیار عه‌لی"


+ نووسیاو له کات ژمێر 2:8 به‌ده‌ستی Mohammad  | 

ئه‌کێشێ

ئه‌کێشی

ئه‌کێشم

ئه‌و نازی تۆ

تۆ عه‌شقی ئه‌و

منیش

جگه‌ره‌که‌م کوانێ !!

+ نووسیاو له کات ژمێر 2:3 به‌ده‌ستی Mohammad  |